ವಿವೋ ಎಕ್ಸ್ 60 ಮತ್ತು ವಿವೋ ಎಕ್ಸ್ 60 ಪ್ರೊ ಎಕ್ಸಿನೋಸ್ 1080 ನೊಂದಿಗೆ ಬಿಡುಗಡೆಯಾಗಲಿವೆ.

ವಿವೋ ಎಕ್ಸ್ 60 ಸರಣಿಯ ವಿವೋ ಎಕ್ಸ್ 60 ಮತ್ತು ಎಕ್ಸ್ 60 ಪ್ರೊ ಶೀಘ್ರದಲ್ಲೇ ಜಾಗತಿಕವಾಗಿ ಅನಾವರಣಗೊಳ್ಳಲಿದೆ. ಈ ಎರಡೂ ಸ್ಮಾರ್ಟ್‌ಫೋನ್‌ಗಳು ಸ್ಯಾಮ್‌ಸಂಗ್‌ನ ಹೊಸ ಎಕ್ಸಿನೋಸ್ 1080 ಪ್ರೊಸೆಸರನಿಂದ ಕಾರ್ಯನಿರ್ವಹಿಸಿವೆ, ಈ ಹೊಸ ಚಿಪ್‌ಸೆಟ್ 5nm ಪ್ರಕ್ರಿಯೆ ಆಧಾರಿತ ಸ್ಯಾಮ್‌ಸಂಗ್‌ನ ಮೊದಲ ಚಿಪ್‌ಸೆಟ್ ಆಗಿದೆ. ಇಂದು, ವಿವೊ ಈ ಎರಡೂ ಸ್ಮಾರ್ಟ್ಫೋನ್ಗಳ ಫಸ್ಟ್ ಲುಕ್ ಅನ್ನು ಹಂಚಿಕೊಂಡಿದೆ, ಇದರಲ್ಲಿ ಅವುಗಳ ಬಣ್ಣ ರೂಪಾಂತರಗಳು ಸಹ ಸ್ಪಷ್ಟವಾಗಿ ಗೋಚರಿಸುತ್ತವೆ. ಇದಲ್ಲದೆ, ಸ್ಮಾರ್ಟ್ ಫೋನಗಳ ಕುರಿತು ಸಂಬಂಧಿಸಿದ ಇನ್ನು ಬಹಳಷ್ಟು ಮಾಹಿತಿಗಳು ಹೊರಬಂದಿವೆ, ಅದನ್ನು ನೀವು ಇಲ್ಲಿ ತಿಳಿದುಕೊಳ್ಳಬಹುದು.

ವಿವೋ ಎಕ್ಸ್ 60 ಮತ್ತು ಎಕ್ಸ್ 60 ಪ್ರೊ ಅನ್ನು 29 ಡಿಸೆಂಬರ್ 2020 ರಂದು ಚೀನಾದಲ್ಲಿ ಬಿಡುಗಡೆ ಮಾಡುವುದಾಗಿ ಕಂಪನಿ ಪ್ರಕಟಿಸಿದೆ. ವಿವೋ ಎಕ್ಸ್ 60 ಟ್ರಿಪಲ್ ರಿಯರ್ ಕ್ಯಾಮೆರಾಗಳನ್ನು ಹೊಂದಿದೆ ಮತ್ತು ಮುಂಭಾಗದಲ್ಲಿ ಇದು ಪಂಚ್-ಹೋಲ್ ಸೆಲ್ಫಿ ಕ್ಯಾಮೆರಾವನ್ನು ಹೊಂದಿದೆ. ಇದು 13 ಮೆಗಾಪಿಕ್ಸೆಲ್ ಅಲ್ಟ್ರಾ ವೈಡ್ ಆಂಗಲ್ ಲೆನ್ಸ್ ಮತ್ತು 48 ಮೆಗಾಪಿಕ್ಸೆಲ್ ಪ್ರೈಮರಿ ಕ್ಯಾಮೆರಾದೊಂದಿಗೆ 13 ಮೆಗಾಪಿಕ್ಸೆಲ್ ಪೋರ್ಟ್ರೇಟ್ ಲೆನ್ಸ್ ಹೊಂದಿದೆ. ಈ ಸ್ಮಾರ್ಟ್‌ಫೋನ್ ಕಪ್ಪು, ಬಿಳಿ ಮತ್ತು ನೀಲಿ ಗ್ರೇಡಿಯಂಟ್ ಬಣ್ಣಗಳಲ್ಲಿ ಬಿಡುಗಡೆಯಾಗಲಿದೆ, ಆದರೂ ಈ ಯಾವ ರೂಪಾಂತರಗಳು ಭಾರತದಲ್ಲಿ ಬರುತ್ತವೆ ಎಂಬುದರ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿ ಲಭ್ಯವಾಗಿಲ್ಲ. 

ಮತ್ತೊಂದೆಡೆ, ವಿವೋ ಎಕ್ಸ್ 60 ಪ್ರೊ ಕ್ವಾಡ್ ರಿಯರ್ ಕ್ಯಾಮೆರಾ ಸೆಟಪ್ ಹೊಂದಿದೆ, ಇಲ್ಲಿ ನೀವು 8 ಮೆಗಾಪಿಕ್ಸೆಲ್ ಪೆರಿಸ್ಕೋಪ್ ಲೆನ್ಸ್ ಪಡೆಯುತ್ತೀರಿ. ಉಳಿದ ಕ್ಯಾಮೆರಾಗಳು ಎಕ್ಸ್ 60 ನಲ್ಲಿ ನೀಡಲಾದಂತೆಯೇ ಇರುತ್ತವೆ. ವಿವೋ ಎಕ್ಸ್ 50 ಪ್ರೊನಲ್ಲಿ ಕಂಪನಿಯು ಅಳವಡಿಸಿಕೊಂಡ ಮೈಕ್ರೋ-ಗಿಂಬಲ್ ಸ್ಟೆಬಿಲೈಸೇಶನ್ ತಂತ್ರವು ಈ ಎರಡೂ ಸ್ಮಾರ್ಟ್‌ಫೋನ್‌ಗಳಲ್ಲಿಯೂ ಇದೆ ಎಂದು ನಿರೀಕ್ಷಿಸಲಾಗಿದೆ. ಚಿತ್ರಗಳಲ್ಲಿ ನೀವು ಫೋನ್‌ನ ಕ್ಯಾಮೆರಾ ವಿನ್ಯಾಸವನ್ನು ಸ್ಪಷ್ಟವಾಗಿ ನೋಡಬಹುದು.

ಇದಲ್ಲದೆ, ಈ ಸ್ಮಾರ್ಟ್‌ಫೋನ್‌ಗಳ ಮತ್ತೊಂದು ವಿಶೇಷತೆಯೆಂದರೆ, ಆಂಡ್ರಾಯ್ಡ್ ಕರ್ನಲ್ ಅನ್ನು ಆಧರಿಸಿದ ಕಂಪನಿಯ ಹೊಸ ಒರಿಜಿನೋಸ್ ಆಪರೇಟಿಂಗ್ ಸಿಸ್ಟಮ್ ಅನ್ನು ನೀಡಲಾಗಿದೆ. ಈ ಫೋನ್‌ಗಳು ಆಂಡ್ರಾಯ್ಡ್ 11 ಓಎಸ್ ಮತ್ತು 12GB RAM ರೂಪಾಂತರಗಳೊಂದಿಗೆ ಬರಲಿವೆ.